MAS FOTOS,...a petición

jueves, 28 de junio de 2007


Son de la comía d´ hermandá. Nun espeto mas, ... que ya ta bien de facer olibar a los ausentes


Vistazu xeneral



Semeya de Barriu: Los del Segundu Riba



¡Puta parió!...falten perres




Habiesis visto poques?,....pues, mas calveres




D´aburríos na. Hubo hasta toná


¡¡¡¡ HAY QUE TRAGALA !!!!

domingo, 24 de junio de 2007

Sobren les palabres. El recorte ye del periódicu El Comercio de Xixón. Otra de Caborana,...dando bien qu´hablar....



Nun direis que nun tien buena labia: fala chinu cantonés, chinu mandarín, italiano, portugués, francés, inglés y anda en práctiques con una variedá dialectal de La Pinga


EL BOLLU

miércoles, 20 de junio de 2007

Les Fiestes yeren la celebración veraniega por excelencia en la que se festejaba la copiosa cosecha recoyía, con abundante comía, vinu, baile, conceyos de clanes familiares, procesiones y hasta,.... posibilidaes de noviu.

Pero eses celebraciones estacáronse. Y en los años 50 y 60 los Ayuntamientos franquistas dedicáronse a organizarles ufiertando solennes bailes, mas que solennes mises, espampanantes sesiones vermú,…..To, to, colosal, colosal.



Los tiempos fueron torniando mas,.... y la cosecha recóxese hoy dirétamente nel Aldi, los numeracos del colesterol y del sobrepesu muestren que les comíes dilaten el butieyu, les napies rojecíes pregonen borracheres frecuentes, la mayoría les familias tan tan esparcíes que ye dificultoso xuntales en veranu, a les procesiones ya nun va ni Donfranciscu – probe , ta vieyucu ya – y les esperances de noviu escúrrense por esti despertar homosexual que se filtra con toa naturalidá.

Les fiestes hai qu´enfocales hacia otra realidá, ya que solo les que sepan adaztase a les nueves exigencies mantendránse nel tiempu . Nu
n voi dar consejos de pa onde apuntar la escopeta. Mio pá diría que pa la escombrera, deformación profesional, supongo.

Esti fin de semana, en Caborana, nes Fiestes patronales, aparte de bailes, verbenes, cachivaches, volaores, xente, ruiu…..el lunes fízose la fiesta´l bollu y da gusto ver la cantidá xente que se xunta pa merendar al aire libre, escanciar unos culines, tertuliar con viejos conocíos , retomando con nuevos aires lo que vino faciéndose ancestralmente. Un aciertu, de verdá. Y una visita obligá pa tou caboranense que puea acercase a Caborana en tal fecha.


Amesto unes semeyes entremecíes de la jorná del bollu del llunes pasau












YA TAMOS AQUÍ.....Y TAMIEN,...LES FIESTES

viernes, 15 de junio de 2007



EL PREGON

¿Qu´osties y´un pregón?. Cojonúa pregunta. De toes maneres hasta güei, entendíase com´una cosa panegírica, una xaltación de les virtúes de la xente que vive o moró nuna localidá determiná, dexando preclaros sus mas gloriosos fechos istóricos: anegación, patriotismu, santidá ( la mitá de la mitá ), sabiduría, dedicación, puteríu, servilismu, ladroniciu,…

¿Cómu se faen?. Solmenàndoyos a los presentes una llista de prohomes – casi ninguna promuyer – que s´ubieren distingüío y señalao nes virtúes soltaes anantes. Sáquense a relucir al pretigiosu militar, a insines galenos, a políticos fieles, santones, beates,…. hasta llegar a bobar a la xente, dándoyos a entender qu´aquellos atributos yeren cosa normal, non conellos, non, sino consustancial con los fueraserie. Tamién se fai una descrición del llugar, de su clima, su buenaire, sus agües, del frescor de sus fuentes, l´azul del su cielu despejau, sus calles delbote,… To ello arrefundiao, ahí te va que te preste, de forma impune, pa envidia de los probes vecinos qu´en xamás llegaríen a ser mentaos en tamaña relación. Y,....

¿quién yel pregoneru?. Un fíu preclaru del llugar, ilustre, que ta endamíau nuna posición social superior, o simplemente bien colocau con respetu algún jefazu local, existiendo una casuística variá al respeutu. (Ramiro el sico-teta, lúltimu pregoneru, famosu luchaor feminista- pendiente de sentencia judicial -, felpeyu del carnal de Xixón, fue una imperdonable esceción a to lo anterior, p´apuntar nel debe de los dirixentes de la Xunta Iniciatives )

Si to eso ye un Pregón, nesti espaciu, notru momentu, escribiremos el antipregón, que, por ciertu, ya lu publicó fai unos años en la prensa provincial un vecín local. Retomau del CALEYERU, copiarelu pa que vos preste, pa que si teneis a mano una impresora lu paseis a papel y pa que i lu apurriais al pregoneru oficial del momentu.



¡¡¡¡ Felices fiestes de les Nieves !!!