Celebrose este pasau sábadu una prueba atlética internacional en Xixón que lleva´l nome de Memorial Silvia Mazón. Y ya van 24 años seguíos que se repite la competición.
¿A cuenta de qué vién nesti espaciu de Caborana ?
Tién su historia. Silvia vivía en Xixón y yera la campeona de Asturies de 100 metros lisos y la máxima esperanza nacional pa desbancar a les germanones del Este - curiosamente ella había nacío´n Alemania - de los podiums continentales. Desgraciámente, yendo nuna motuca pol barriu de la Calzá, un camionón pasói porríba della, acabando con su prometeora vida. Nesti blog, nun espaciu anterior denomiau MEDIOCENTROS, apaició la semeya del que considerábamos el meyor centrocampista del equipu fúbol del Segundu Riba que había quear sucampeón del Torneu Barrios Rexional, Félis .
Yera, Felis el de Tere. Félis, ye de Santacruz, fíu, recordaieis, dun paisanucu pequenu, siempre trajeau, con su maletuca y quei llamaben Singer, por mor de ser el reaparaor de toes les máquines de coser del pueblu. Nun solo de la marca Singer, podía tamién con les averíes de les Wherteim, Alfa, etc.
A propósitu, una anécdota. Félis yera tamién manitas como el suo pá. Y como se defendía bien nel arte del trasiegu del vinu desde los pelleyos al garguilu propiu, muy amigu del míu. Total, que habiéndose estropeao la máquina de coser de mi casa, mi pa y Félis, entre vasu y vasu, mas vasu y mas vasu, acometieron la reparación de la misma. Cuando ya taba casi apuntu, ocurriósei a Félis que pa dai el últimu toque definitivu na meyor que engrasai un pocu el mecanismu interior. Pidioi al mio pá´l aceite llubricante y engrasaron la máquina convenientemente. Al dia siguiente, nun había manera de que la rueda girara. Taba la máquina trabá. Habíen confundío el frascu del aceite con el del superazucaráu xarabe antiespasmos y habíen pegaose toes les pieces interiores. Arreglolo al final, como siempre, Singer.
Casose Félis con Tere la fía de Franco y vivieron unos años con los sus pas, Franco y Pepa, nel Segundu Riba. Luego la pareja, ya con una fía, encaminó sus pasos, como munchos otros vecinos, hacia la emigración europea y acabó afincándose y trabayando en Stuttgar. Allí aguantaron unos venti años. Y allí yos nació Silvia, la malpará atleta que da nome a esti pequeñu homenaxe.
Enterau del acontecimientu deportivu, acerquéme al estadiu municipal. Y allí taba Tere, comuna moza, con sus munchos años, nel graderíu, emocionándose con les carreres quei recordaben el correr de la su fía. Félis, un pocu malucu nun pudo baxar de Pumarín. Hasta quí el Memorial a Félis y Tere, Mazón él y de Mazón ella.
Esta ye Tere, na grada Les Mestes, nel día d´ayer
¿A cuenta de qué vién nesti espaciu de Caborana ?
Tién su historia. Silvia vivía en Xixón y yera la campeona de Asturies de 100 metros lisos y la máxima esperanza nacional pa desbancar a les germanones del Este - curiosamente ella había nacío´n Alemania - de los podiums continentales. Desgraciámente, yendo nuna motuca pol barriu de la Calzá, un camionón pasói porríba della, acabando con su prometeora vida. Nesti blog, nun espaciu anterior denomiau MEDIOCENTROS, apaició la semeya del que considerábamos el meyor centrocampista del equipu fúbol del Segundu Riba que había quear sucampeón del Torneu Barrios Rexional, Félis .
Yera, Felis el de Tere. Félis, ye de Santacruz, fíu, recordaieis, dun paisanucu pequenu, siempre trajeau, con su maletuca y quei llamaben Singer, por mor de ser el reaparaor de toes les máquines de coser del pueblu. Nun solo de la marca Singer, podía tamién con les averíes de les Wherteim, Alfa, etc.
A propósitu, una anécdota. Félis yera tamién manitas como el suo pá. Y como se defendía bien nel arte del trasiegu del vinu desde los pelleyos al garguilu propiu, muy amigu del míu. Total, que habiéndose estropeao la máquina de coser de mi casa, mi pa y Félis, entre vasu y vasu, mas vasu y mas vasu, acometieron la reparación de la misma. Cuando ya taba casi apuntu, ocurriósei a Félis que pa dai el últimu toque definitivu na meyor que engrasai un pocu el mecanismu interior. Pidioi al mio pá´l aceite llubricante y engrasaron la máquina convenientemente. Al dia siguiente, nun había manera de que la rueda girara. Taba la máquina trabá. Habíen confundío el frascu del aceite con el del superazucaráu xarabe antiespasmos y habíen pegaose toes les pieces interiores. Arreglolo al final, como siempre, Singer.
Casose Félis con Tere la fía de Franco y vivieron unos años con los sus pas, Franco y Pepa, nel Segundu Riba. Luego la pareja, ya con una fía, encaminó sus pasos, como munchos otros vecinos, hacia la emigración europea y acabó afincándose y trabayando en Stuttgar. Allí aguantaron unos venti años. Y allí yos nació Silvia, la malpará atleta que da nome a esti pequeñu homenaxe.
Enterau del acontecimientu deportivu, acerquéme al estadiu municipal. Y allí taba Tere, comuna moza, con sus munchos años, nel graderíu, emocionándose con les carreres quei recordaben el correr de la su fía. Félis, un pocu malucu nun pudo baxar de Pumarín. Hasta quí el Memorial a Félis y Tere, Mazón él y de Mazón ella.
Esta ye Tere, na grada Les Mestes, nel día d´ayer
No hay comentarios:
Publicar un comentario