EL ROCK ( 3 )...EL FOLK ( 1 )

.....Continuación

Vamos a continuar con el relato de lo que fue la HISTORIA DEL ROCK en Caborana, contando, como un antecedente claro, lo que resultó ser el Folk Local. Allá va:

EL FOLK (1)

APROXIMACIÓN GENERAL

La música tradicional, nun sentíu ampliu, ye la trasmitía de forma oral, de llau y al marxen de la enseñanza académica y escrita. Pa entre nosostros, podemos decir que ye la que ye anterior a los tocadiscos y les cassetes.

El terminu xenéricu folk ye inglés y empezó a usase hacia´l añu 1800 con los sinificaos de “tradicción”, “transmisión oral”, “anonimato”, “no comercial”, tos xuntos nuna supuesta coztelera musical, a la que deben añadise que, como to lo bueno y permanente, tuvo siempre asociá esi tipu de música a les clases mas baxes de la estratificación social del momentu.

Añado, de pegote, lo que diz el Tech Multimedia Music Dictionary – escritu, po lo que paez, nel Casinu de Morea – que ye “la música del pueblo, transmitida de generación en generación, con raíces profundas en su propia cultura” Quizás se entienda meyor con unos exemplos:

El trío COLSOQUI, formau por Colás,Soto
y Quilino,entonando el .." pué que sí,
pué que no, tenga habitantes la Luna",
resolviendo antes que los americanos l´enigma
de los extraterrestres

1. Cuando nosotros entonamos:

En el Cordal hay tordos,
pero nun hay gorriones,
que les mató tos Marcelu
con nel estiragomes

personificamos el famosu canciu popular rexional:

En la llerona hay tordos,
tamién picatueros,
tién qu´haber malvises,
vilo yo lleno güevos

y además queremos dexar perclaro pal futuru una serie de datos:

• - La existencia del puntu xeográficu local del Cordal

• - La constancia de la vivencia, nel pueblu, de Marcelu ( El Llocu ) que tos conocimos

• - La jodía puntería que tenía, con nel ancestral arma, el mentau personaxe

• - La denuncia contra la depredación de una especie de ave determiná por la pertinaz conducta del paisanu en cuestión

Cuando facemos y trasmitimos co nel canciu to aquello, tamos faciendo, a lo meyor ensin sabelo, folk.

En Caborana, les formaciones nun yeren estables.
Quilo apaez aquí sustituíu por otru vecín, entonando
"si se fué que se vaya, que nun volverá"

2. Tamién, cuando cantamos:

El cura de Santullano
diz que da saltos mortales.
Donfrancisco inténtalo
y, probe, cai siempre d´espaldes

queremos comunicar que:

• - Teníamos cura,…. nun fuera el casu

• - Pusímosi el nome

• - Insinuamos que yera mas torpe quel de Santullanu, famosu por haber llegao nel Cirkus Kronhe y haber cambiao, de sopetón, el equilibriu físicu por el teolóxicu

Y seguíamos faciendo folk.

Cesáreo, el del Conomato, cantando,
con la partitura na mano, La Internacional,
que aunque ye una canción popular,
nun ye folk.¿ Veis la diferencia?
Sábese porque ningún levanta la vista,
como avergonzaos, y por
la cara que pon el guardión

3. De la misma manera que cuando nuna copla de carnaval, ya puesta nesti blog, arrefundiamos:

Los vecinos de Caborana
vamos a ser mui lucíos,
porque nos quiten la lluz
de los palos mas torcíos

Y con el nuevu allumbrau
que poniéndonos tan,
como tién mas potencia,
hasta los ciegos verán

dexamos perñídio un fechu históricu: el pasu de les lluminaries de platu de porcellana colgaes de los palos de maera hacia bombieches de mas solvencia, que nos permitieron:

• - Poner de relevancia la prestancia y lucidez de los vecinos del pueblu menos madrugaores y que solo salíen a “facer los recaos” por la noche

• - Lanzar un rayucu d´esperanza científica a Mael, Cabalcanti, Belino …y el restu de los ciegos del llugar

El afamau soprano Cesar, el de Nosi,
lubricando el gargüilu antes de ponese con
" ¿ Soy yo esquirol? "

4. Con nel cantar:

A l´escuela de les Monxes
dicen que nun van rapacinos
pol furacu duna llave
vi yo cinco pequeñinos

resolvimos, pa la eternidá, l´enigma de si les supuestes íntimes relaciones entre les monxes y los frailes de Caborana, como pasa nel restu de los mortales de distintu sexu, daben o no frutu.

A veces les canciones acompañábense
de pequeñes representaciones.
Nesta " Suelta el remu, bateleru",
¿quién pensais que lu llevaba na mano?

5. Otru exemplu de lo que ye el folk local recóyelo una estrofa de la danza prima allerana:

Caborana ( nun me jodas), tente firme,
que Morea ya cayó
y Sotiello ta temblando
del sustu que recibió

onde trasmitimos a l´humanidá que:

• - Ya había en aquel momentu tres localidaes diferenciaes: Caborana, Morea y Sotiello

• - La capacidá de resistencia ante l´adversidá de les tres nun yera la misma

• - Podíamos formar y enunciar una prelación, de mayor a menor, de bravura y resistencia ( Morea tiróse, Sotiello tambaléase, nosotros aguantamos el tipu)

• - Considerábamos a Caborana el reductu salvaor de yo nun se bién qué, enfotando nella su persistencia nel tiempu.

Ta decidío, la próxima vez facemos una gala
nel Olimpia. Soto, encantau, po lo que paez
y, desde los Cuarteles, utilizando les nueves tecnoloxíes,
ya se tan sacando les entraes

Esperando haber dexao claro la teoría xeneral y lo que entendemos pol vocablu folk, la relación desta música con el rock local, los interpretes, los llugares onde se cantaben, los entonaores mas conocíos y demás detalles, espondránse en EL FOLK 2, de prósima publicación, onde pienso poer colocar unes canciones del Trío Matiza pa que, dandoi al play, podais escucháles a la vez que leeis el conteníu.

....Contiunuará