DE CARTEL,.....EN CARTEL

La moza Angela Davis, al princípiu de los años 70, después d´espulsala de la Universidá onde daba clases, fue acusá de un inesistente asesinatu, lo que fizo que se movilizara mediu mundu pa llamar l´atención y poner les coses en su sitiu. Nel dellos, meyor dicho.

En Caborana la iniciativa de la protesta contra el poder americanu partió dun grupu de muyeres que facíen la colá tos los díes nel Llavaeru del Segundu baxo

• - Coño, ya ta bien, hai que movilizase

• - ¿Mas?

• - Cómu que mas, ¡movilizase!, carayu

• - Entovía quiés mas: de balsa en balsa con toa esta ropona, tendela al verde, regala de vez en cuandu, el conomatu, la comía, la güerta, los guajes, les moñes del paisanu,…¿sigo?

• - Notru sentíu, Sario

• - Yo, depués de l´ axitación de tol día, digote la verdá, nun me quea sentíu

• - Coyona, referíame a lo quei tan faciendo a la americana Angela Davies

• - ¿Xela?

• - Sario, comu coime va xelar si tamos en Xulio

• - Y, cómo osties sabes tu el tiempu que fai por allá lantrón, eh, lista.

• - Tranquiles. No, nun Xela la de Minguín. No. Ye una mozuca americana a la qu´acusen de haber matao a dos paisanos, sin haber fechu na. To por ser negra

• - Mira, en eso ye un pocu como nosotres, que sin selo, trabayamos como si lo fuésemos

• - Diste nel clavu

• - Pues, ale. Vamos llenar to esto de carteles y amás, vamos plantanos y tar una semana sin llavar

• - Joer, eso ye lo meyor. Que llaven los paisanos.

• - O la madre que los parió, que son les nuestres suegres.

Desta guisa apaició un dia el Lavaeru

%%%%%%%%%

Dioyos ahora a los del Principau, a la Consellería de Sanidá por mas señes, por dicir que en Caborana supérense los parámetros de hipocondríacos por habitante, según unes encuestes que faen ellos. Y acháquenlo a nun se que cosa rara relacioná con la florestación anticipá del castañeru de Sinariego. Mas o menos, eso ye lo que yo deduzco de los datos publicaos.
Sinembargu, si conocieran la historia del pueblu, hai una esplicación mas sencilla. Sin estadístiques. Sin parámetros. Recordai que nuna entrega anterior contaba lo que siempre nos dicíen cuiando díabamos al médicu:

• - Guaje, como sigas así vas morrer. Hay que meneásela menos

Y, en contradición con lo anterior, na Sala d´Espera de la Consulta había un cartel norme, pa llamate bien l´atención, nel que se dicía que si nun te la meneabes entrábate una enfremedá mortal po les venes.
A partir de ahí, imaxinaivos lo que pensabamos ca ún de nosotros. Si apretábesi, malo; si yeres comedíu, ostia, entrábate la venérea. Menúa controversia, resuelta a su mou por ca ún.

Así que,....HIPO.....QUÉ?

Cartel de la Sala Espera de la Consulta