B O N I

miércoles, 26 de agosto de 2009



La vida…..¡Qué inventu! ¡Que gracia tan amarga! Ye como una cita a ciegues:

¡Qué me pongo!. Si supiera como ye ella ¿?,… pero nun poseo ninguna referencia. Pondreme el traje nuevu, la camisa de les bodes y la corbata de Adolfodominguez. Iré puntaenblanco. Ostia, y ¿si ella nun va tan puesta y voy dando el cante?,…ehh. Acudiré con americana y corbata, pero con un atractivu aire informal. Y, ¿si ella tién un puntín modernu y hippi?. Por si acasu, pa nun dir faciendo un poco el ridículo, espetareme la camisa de cuadros azules, con los tejanos y la cazaora marrón de Tommy. Tampoco me convence. Lo de la camisa pase, ye de entretiempu, mas combinarela con el pantalón de tergal azul marinu, buscando un equilibriu ante cualquier sorpresa indeseá. ¡Si supiera como ye ella!. Bueno, tantu da, con estos calores, mejor m´envaino un bañaor meyba y quedamos na playa. En Bañugues.

Salía Boni de pegase el primer bañu, rompíeni les oles na parte posterior de la rodilla, y dase de sopetón con una muyer vestía toa de negru y encapuchá, con una guadaña na mano diestra.

  • - Cagonmimanto, tanto elucubrar con qué poneme, pa nun acertar con la vestimenta. ¿Así que díbamos a un baile de disfraces?
  • - No
  • - ¿No? ¿Y eses traces tuyes?
  • - Yel acabose


La certeza de la existencia de la muerte llega, sumadre, nun poco a poco, no, sino como una certidumbre repentina, sorpresiva y desesperante. Como un ostiazu nel morru. Así murió el pasau domingo Boni. De repente. Como una amarga sorpresa.

Tenía-y cariñu. Y a él pasabayi otru tanto. Llámeni, los entendíos, reciprocidá. Y eso, que yo, por distintes razones, nunca fui cliente suyu. Compartimos sinsustancies, como el pasu de la
Gaseosa Sanités,…
qué rica es

a la naranjá de Caudal, del cuadru Macario al Colnago, de los mecanismos manuales a los automáticos de Campagnolo, del Puertu de Vegará a Roaller....

Los asiduos al Blog recordareis que lu fice el eje central de la historia del pasu del rock por Caborana. Pa mi imposible, sin persones como Boni. Reconozco, que sin qu´el me prestara ni les partitures ni me dexara su guitarra. De motu propiu. Así que fai unes semanes, coincidiendo los dos nuna comía en Caborana dixei:

  • - Joder, Boni, nun sabía yo na de eses aficiones tuyes musicales
  • - Tas fechu un buen cabronazu


Socarrona respuesta que me legitima pa dentro d´unos días insertar el últimu capítulu de la serie.




Boni, una encomienda. Vete rexuntiando por ahí toa suerte de instrumentos, que a na que empieces a afínalos, nun tris, nun tris de verdá, tamos tos ahí contigo interpretando la sinfonía celestial.

Un últimu abrazu