ENCUENTRU FORTUITU

jueves, 27 de marzo de 2008



L´otru dia apaició por fin nos Comentarios del Blog CANGURO. Y la alegría fue xeneral entre los llectores asiduos. Y ante la sugerencia de Canguro de que s´había topao con BUDI y que pensaba trascribir la conversación mantenía entrellos, to fueron gritos de ánimu y, ¡a por ello!. Yo, ofreciyi el que me encargaba de espetala aquí, nesti espaciu, si me la remitía por correo. Y pueo afirmar que Canguro ye cumplidor y ya me llegó. Y yo también, así que aquí la teneis colocá sin tijeretazu algún




EL MI ENCUENTRU CON BUDI



El dia taba soleyeru, yera desos que tas muy gustosu na cama. Pero llega la venenosa y con voz dominante diz:

¡ Arriba queáy que ventilar!

¡Ostia! oyes la voz y tiraste fuera como un rayu por lo que puea pasar.

Con la espalda xorobá per el pasu de los años voy conuna mano alantre y otra atras,

camín del retrete

donde facer la toilete,

como diria nuestru Budi. Allí, con l´ayuda del calorín y unes refriegues que doy duna pomá, salse un pocu mas derechu, y ya laveu, peineu y sin barbes voy diretu pa la mesa, de onde llégame el fumeante olor del café moro que me traxeron d´ Africa.

Ya desayuneu y co nel permisu de la parienta, acércome a la guerta a por unes berzuques que, con estes xielaes, tan tiernes y sabroses que da gusto... Fechu el ricao, y siempre con el permisu d´ella (esto ye ladedios), marcho dar el paseín con la disculpa del colesterol y a condición de tomar solo una cerveza siiiinnnnnnn.

Y asina enfilo per la carretera hasta el bar Mineru. Alli tomé el siiiinnnn y arrimose tamién un riojina que tanto añoro y que solo me da la muyer uno a la comía. Nesti bar, emblematicu per su edificiu y dao que paren mineros que salen o entren al trabayu, los temas mas comentaos son los de los tayos. Uno escucha con atención a la vez que acuerdase d´otros tiempos cuando se yera ramperu en Legalidá en una capa de 40 cm y llegabes a casa con les rodilles inchaes.

¡Coño, ya llovio!


El Colegiu, pates parriba

pa facei otru enriba


Nun pasó muchu ratu cuando entra nel bar un paisano tou alboroteu.

¡Cagun la madre que me parió!. ¡Esto ye la de dios!

¡Nesti pueblu nun hay cojones!

Fíxome un poquitin hacia la puerta, pues el sol nun dexaba les cares clares.

Por fin, vilu.

¡Cagun la puta, Budi¡iii, ¿cuando llegaste?

¡Nun me hables Canguro¡, ¡nun me hables!


El puente Legalidá, ..

ni arcu de triunfu, ni ná


¿Pero paisanu que te pasa?

Apéome del tren y según subía la cuestuca – eso sí despacin, pues ya cuesta - apetecióseme un vasin. Bueno - pense - voy tomalu a La Bolera.

¡Ostia!, llego allá y nun hay Bolera.

¡Tiraronla, Canguro!

Pero nesti pueblu tiranlo too, Puente Cutrifera, los Frailes, Cuartel de los guardias, casa Viñas, el Olimpia, El Istituto. Como sigais asina vais tirar hasta la casa los Ordóñez.

¿Onde tan les autoridaes que consienten estes coses? . ¡Esto nun pue ser asina!

Y lo buenu del casu nun ye esto.

Digoy a una mocina (muy guapina por cierto) :

¿Oye neña onde puedo ir a tomar un vasin y que puea tomar el sol?


La baxá pal Conomato

cambiose por un carromato



Baxe usted por esa escalera y cruce un puente y llega a la Escombrera.

Gracies preciosa ¡que dios te lo pague! - Contestei

Con que,…¿ señor? Díxome la picardiosa.

En esi momentu pasaron per la mio moyera lo quei hubiesei dicho n´otros tiempos. Con la chola gacha contestei : Con buen aire, preciosa.

Y asina llego a lo que un neñu dixo que yera la Pasarela y que pal otru llau taba La Escombrea.

¿Qué me dices guaje? - dixei

Quedose mirando pa mi con los gueyos muy abiertos, como queriendo decime . Lo que oyes paisano.


Stadium del Santiago



Non neñu y dixe : eso y´ el Canamal.

Pero … ¡Cagun la puta Canguro!

¿Qué faen maestros, padres y la xenté del pueblu?

¿Cómo marchen estes palabres tan guapines de to la via?

Y después unes casones enormes que llamen naves, gasolinera, hotel… ¡¡Ladedios!!.

Mira, Canguro; de too lo que tiraron, tenian que haber fecho como la catedral de Puertu Marín; numerar les piedres y lo questorba en un llau, montalu notru.

Daste cuenta el colexio los frailes llevau donde tan eses navones, ¡qué hotel mas cojonudu! y ponei de nome Hotel Canamal. Y nun digamos el Puente Cutrifera , cual arcu del triunfu dandoi entrá al hotel.

Y asina too

- Nun teneis remediu, voy dexar de venir per aquí, pa nun poneme de mala ostia.

Bueno, Budi; cálmate un poquitin y toma un vasin de Ribera que yel que te gustaba.

Toma tu otru – díxome

Non, yo nun puedo Budi, ya sabes... médicos , muyer –

¡Jódete!, nun te dixe que nun te casaras, ¡caite bien!.

Coño, Budi, tengo el pitu jodiu ya van tener que operame.

Eso seguro que nun ye per el vino que bebiste. Ye per los polvos que hechaste de mala manera, ¡ nun te jode!.


Mas demolición


¡Cojones!, Budi, fálame d´otres coses.

¡Bueno!, ¿Qué planes tienes ?

Voy a Turon, a ver a un conociu.

Eso sera mas tarde - y dixe - por qué nun vienes a mió casa a comer el pote que fai la muyer, como tu bien sabes.

Coño, Canguro menuda tentación - nun pueo negame.

Dando un pasein subimos un poquitin per la carretera de Sinariego y nun facía mas que dar reproches de to lo que via.

Pero Budi yes negativu. ¿nun viste alguna cosina guapa per el pueblu?

Disgústame muncho que nun ten aquelles coses que daben entidá al pueblu, como les que te dixe. Veo los Cuateles Viellos y Nuevos cuidainos y esto préstame, pero tenían que tener la fachá y colores mas parecios.

Seguimos baxando y dime:

¿Pero pa qué tanta cocherona? ¡Cagun la puta! ¡mira Canguro!, paez questán vacies. Esto nun hay fiu ma que lo entienda.

Gustaríame subir per la Pinga parriba, pero ya ye tarde.

Y asi llegamos a casa, la mujer cayoi de sorpresa la visita, pues nunca fizo buenes migues con Budi, pero supo guardar les formes.

Comió un buen platu y repitió, con el correspondiente compango y la botellina de ribera.

Coño Budi, tienes un saque que manda güevos.

Nun tengo ningun problema, un poquitin la vista pero son coses de los años.

Cojones, desa forma que comes, el colesterol, diabetes, tensión, tienes que tenelo a tope, cualquier dia fúndensete los plomos.

¡Hay Cangurin, de too eso nun quiero saber na! el dia que llegue, llegó, y acabose.

¡Joder Budi¡ tanta enerxía con lo bien que comes ¿en que coño la gastes?

Charrando y pensando - contestome

Pensar, pensar,...- ¿en qué, Budi?.

Joder Cangu, sábeslo de sobra , o nun me conoces. ¡En muyeres!

Nun me jodas, quiés decime quel pitu nun te faya.


Los fantasmes del Olimpia,

como los del Roxi, tampoco descanden en paz


Home Cangu, la cosa ya nun ye como antes, pero uno fai lo que pué.

Yo como la copla,… una mujer en ca pueblu, por lo menos pa dormir calentin y, si sarrima, otra cosa mexor.

Al oir eso formigóseme el cuerpu y senti sana envidia.

Budi notó en la mió cara algo raro y díxome:

Oye Cangu, paezme que tas osesioneu con que el pitu nun te furrula, nun lo tomes asina, desto nun se libra nadie y a tol mundu y llega. Nun te rompas la chola home y piensa en los buenos ratinos pasaos.

¡Ay Budi, amigu!. En esos ratinos pienso, y nun soy a quitalos de la mollera.

Coño, coño, cuesta un güevu el asimilar que márchente les fuerces y quedente les ganes.

Una sola frase de Budi tranquilizome.

Bueno Cangu a mi tamien me pasa igual, asina que nun te preocupes, home

Acompañelu a la pará d´autobuses. En la baxá paso delante del pozu Santiago y nun me fizo comentariu algunu. Al llegar al de San Jorge mirolu un ratín en silenciu.

En esi silenciu paiciome que por la sua moyera pasábenin munchos recuerdos.

Un abrazu muy fuerte valionos de despedia.

ADIOS BUDI

ADIOS CANGURO



LA PEGARATA

domingo, 23 de marzo de 2008



Delles veces, hasta acudíase al prau mediomudau....
Nun fuera....



Habiendo manduque y beberesia,
hasta´l cura abandonaba l´Iglesia


Valíen la pena tos aquellos díes sin cine, sin música, sin cancios, sin baile, sin na mas que rezos y charles de falsos misioneros. Porque, inesorablemente, tras el xueves, el viernes y el sábadu santu, venía el domingu de pascua.

Tol que tenía un padrín o madrina prósima y con pudientes, tenía la respectiva recompensa convertía en un sorpresivu regalu o en una paguca de cien pesetines de les de entonces, que sabíen a caramelu recién fechu. Los mas, nes cases onde nun había habío perres pa costear la Bula Pontifical, podíen, definitivamente, saciar la fame acumulá durante la cuaresma con la correspondiente pegarata y, ostia, por fin , fartucase.

Enseguía apaicíen pol pueblu aquelles muyeres que nunes tables sobre la testera, apilaes en varios pisos, portaben ladedios de pegarates de distintos precios y componentes, al gritu de:

  • - ¡Pegarateeees!, ¡muyereeees!, ¡pegarateeeeeeeessss!

La cesta bien repleta,
con tortilla, chorizu y empaná,
pa una merienda completa


Vendiendo, y promediando lluego el pesu con les que yos quedaben, diben de barriu en barriu, nuna manifestación d´equilibriu cirquense, hasta finiquitar la mercancía.

Los que nun teníen acesu a la pegarata ofrecía por les pegarateres, acababen amasando en casa y confecionando una, quizá de peor porte pero con inmejorable paladar, pues había mano de sobra en toes les families pa facer un buen bizcochu, emborrachalu asgaya, rellenalu cremona y adornalu por riba con caseru y escuálidu merengue, repatíu confeccionando simétricos dibuxos reteníos na mollera desde los tiempos de la Enciclopedia Alvarez .

Luego, a la tarde, tos en familia, a los praos mas prósimos,…. Llaviá, La Felguerosa, L´Albergue…, a merendar. Empaná y pegarata. En corros familiares, entornu al mantel estendíu sobre la praera.

Tras la pitanza, los guajes a correr a tometer prau riba, prau abaxo, los mas creciducos a intentar entamar relación con alguna mozuca, y los mayores a dai a esmochar a la bota vino pa alexar lo mas posible de la mente el que apenes unes hores mas tarde yos esperaba la negrura y la dureza de la mina. La minona. La putaquelaparió, vamos....


Les moces participaben por separao.
Luego a la baxá, oscurecía, alguna facíase la remolona,
alcanzábenles los mozacos, mano xunto a mano,
pálpitu, emoción....y,.... ¡quién sabe!





Ellos, como buen machu de especie que se preste,
na parte alta del prau,
oservándolo tó
y prestos pa salir a daqué presa dispuesta o despistá





PROCESIONES

lunes, 17 de marzo de 2008

Tamos en tiempu d´elles. Y hailes de madrugá ....y de trasnoche. Pol norte ,....y mas abaxo. Nes que canten....y nes que lloren. Mas lujoses.....y mas humildes. Televisaes....y recoxíes. Con bandes,....y con bandidos. Nesque se suda la gota gorda pa emburriales.....y nes que no tantu, ....Con capirotes,....y con bobos de lo mismo.... En fin, que hay, como na botica, de to. ¿ Y ? . Na , pa nun herir susceptibilidaes y nun metese en camisa de once vares, reproduzco lo que decía aquel paisanón color aceituna verde, que vivía por debaxo de Casa L´Alfonsina, que como yera de Ganímedes, con la objetividá que da la distancia y el ser d´otru llau, respondía siempre cuandoi preguntaben que quéi parecíen les procesiones:

¡ Tan llocos!




ALGUNES MUESTRES DE LES PROCESIONES DE FAI MUNCHOS AÑOS EN CABORANA, SIN NINGUN PIÉ DE FOTO, PORQUE LES SEMEYES TIENEN LA VIRTÚ DE COMENTASE SOLES. CON SOLO MIRALES. ¡ FIJAIVOS!























C O S A D I E L L A

Nesti momentu que recoxe la semeya, nuna procesión del sur,
qué pensais que sentía dientro el ex ministru. ¿ Y el de detrás ?.

Les respuetes, meyor a través de los comentarios

LA GUADAÑONA,... NUN RESPETA

jueves, 13 de marzo de 2008



Semeya na última comía en Caborana



Tornaba del trabayu l´otru día. Nun creais que va tanto, no. Y encontreme nel Muru de la playa de Xixón con Ricardo Llera. Andaba de paseo. Diba hasta la LLoca´l Rinconín. Y como siempre que se topen, fuera de Caborana, dos de Caborana, al final la conversación ye monotemática, háblase de Caborana. Y les parrafaes suelen dar pa muncho.
Pues, ale, con esi aliciente incorporeme al su paseu verpertín.


Contome que tenía que caminar porque nun reconicimientu médicu nel trabayu habíen destectaoi altu´l nivel de azucar. Pero caminaba encantau. Hablamos ladesios,…hasta del blog


Yo nun pueo decir que fuera amigu suyu. No. Vivimos circunstancies distintes y en llugares diferentes, pero teníamos una recíproca empatía y ca vez que coincidíamos nun sitiu, manifestábamosla con expresives muestres de cariñu.


Joder, nun me voy a topar el sábado pasau con Mónico y dame la trágica noticia. Fue como un fuerte ostiazu de poniente.


Ahora, mas serenu, espeto estos versos a mou homenaxe :



SILENCIU

yera lo único que pedíen.


GRITAR

fue mi únicu deseu.



Gritando y enmudeciendo, pa nun morrer.
Recordando y olvidando, to pa nun morrer.

Levantando y agachando la mollera, pa nun morrer.



QUERIDA MUERTE,

a tu pesar,
a mi pesar,

la vida continúa.




EL ROCK ( 4 )...LOS BAILES ( 1 )

lunes, 10 de marzo de 2008


...Continuación

Precisaes nes anteriores entregues lo que fue la evolución natural de la música local en Caborana, desde la invasión romana – puntu de partía del estudiu – hasta mediaos del siglu XX – puntu de desembarcu, con les improvisaes actuaciones de munchos vecinos nes distintes espiches de nuestros llagares -, convién facer ahora referencia a los Bailes de Sala o de Pista, como quiera llamase.

El baile, resultando una manifestación plástica y móvil, conseguía mediante cambios de llugar y posición nun espaciu reducíu de les persones intervinientes, armonizaos con el rítmu musical de la pieza interpretá en ca momentu, to ello fecho espontáneamente, como expresión gráfica de la declaración del sentimientu personal musical de cada cual, y que va desde la interiorización rítmica a la expresión armónica de los movimientos corporales, decía, que ya me toi perdiendo, que el baile a mas del ser to eso, en los tiempos de los que hablamos, tenía un conteníu diferente y socialmente mas interesante.



Pista Pevidal desde´l exterior


Entovía la pista vacía, pero,...
nun tardará en aparecer la xente



Superá mayoritariamente la reminiscencia del medievu, na que los matrimonios mixtos yeren frutu de les comeniencies familiares, dexando de soslayu los sentimientos y les apetencies personales de los mas xóvenes, el problema nuevu que se planteaba yera la instrumentalización d´un espaciu físicu y de un momentu concretu nel que formalizar los encuentros y les relaciones de les hipotétiques parexes.

Paez mentira , recordai, pero nun se podía dirixir uno a la moza apetecía y espetai a la oreya de la que pasaba pal Conomato:

  • - ¡Nita! - ….
  • ...¿ Pepín ?...
  • - Nita, toi llocu por ti y en mis alucinaciones personales imaxínome agarreu a ti en toes les postures posibles, en porrica los dos, nun forcejeu pasional interminable


Primeros ensayos de la orquesta y primeres parexes
buscando´l sitiu aprop'iau

y estudiandu el mercau



Va animandose el cotarru. ...
Los mas atrevíos salen a rueu,..
paez que ta enfocándose la sesión vermú



Empieza a haber llenazu.
Esta mañana clavámosla, ye seguro, ....comenten esos tres



Quia!!!, nipadiós!. Nita, o chaba a correr despavoría sin ver sebe, o directamente se desmayaba en tu presencia, perdón nesti casu delantre de Pepín el llampisteru.


Tamién podía afirmase sin temor equivocase que ni resultaba nin yera fructífera la escena desde l´otru llau del xéneru:

  • - Fredo, cagonmimanto, nun soi pa quitate de la mió cabeza. Y éntrenme unos sudores de la ostia que nin quitando toa la ropa m´amainen. Quiero ser tuya pa que me desofoques indefiníamente

Lo mas probable, conociendo a Fredo, yera quei hubiera dao allí mismo y de sopetón un buen ostiazu. . Sí, oh, acordaivos, yéramos tos desi feminismu radical


Fueron, como siempre los negociantes los que, conoceores de la necesidá social apuntá, invirtieron dineru y esfuerzu nel establecimientu de les sales de baile. Y así nacieron nuestru baile de La Bolera, el de la Pevidal y el del Gatu Nigru, pol casu, onde nuestros pás y les nuestres más giraron y dieron vueltes y mas vueltes agarraos, prometiéndose el hasta que la muerte los separara.


Debe reconocese que, como tos los medios que se nos ponen a nuestru alcance nesti jodíu mundu, yera un mediu competitivu. Muy competitivu. Y nun tos se atrevíen a invitar a bailar a la rapaza que de verdá yos apetecía, ni tos se asemeyaben en la danza a la peonza. ¡Ni falar del peluquín!
Y si lo miramos desde la otra parte, les muyeres nun respondíen con una acetación ojetiva a les propuestes casi en ningún casu, po lo que ye facil esplicase el por qué de les distintes incomprensibles uniones locales surgíes de los apretujones de la Bolera, tal que la de Manolín con Nedina , o de Falucu y Sindina, o de Mingo y Teresina.


Y, entiéndense mas coses. Por exemplu, que Lina queara pa vestir santos porque creyó a piés xuntos quel arrimase nel baile yera pecao. Y murrió entera, ensin probalo, por enfotase nesa creencia.

O que Ima acabara de mujer de Tico el capataz, ya que la probe, cuando ya taba aburría de tar na Pevidal y volvía pa casa, la suó má devolvíala pal baile a vuelta correu al gritu de:

  • - ¡ Venga pa llá!..que nun se sabe a la hora a la que pué llegar un capataz

Y llegó. Y casose con ella. Y fízola su esclava. Y cargola de fíos. Y ca vez que s´enfilaba soplábayi una serie de guantazos nel morru….

Tamién tienen explicación, porque ye solo buscáyila, lo de Lin el barberu, lo de Sofía la Coxia, lo de Anuca la de la Calle´l Bote, lo de Xuanín y Pepón,…..que tendrán cumplíu análisis pormenorizau nuna próxima entrega....


Publicidá pol exterior

...Continuará


LOS FRAILES ( 2 )

miércoles, 5 de marzo de 2008



- Continuación

Los Siete Magníficos.
Años mas tarde, Jhon Sturges fundamentó en ellos su famosa película


A partir de la construcción del nuevo edificio pudieron aumentarse las plazas escolares, que pasaron a ser de 300 alumnos. Aunque la cifra es solo teórica, porque, desde el primer momento, el número de matriculados superó ese dígito y tuvieron que hacerse inmediatamente las gestiones oportunas - aumentar espacios y el número de profesores - para que el Colegio pudiese acoger a más niños. El colegio acabó admitiendo, al final, a más de 400 alumnos. Sin embargo, con esas circunstancias de dotación de alumnado, paradojas de la situación, la Comunidad religiosa, en principio, la formaron solo 7 Hermanos.

Las relaciones entre Comunidad Religiosa – Empresa Hullera Española, las responsabilidades derivadas de ellas, las directrices, los objetivos perseguidos, etc , se fijaron mediante la firma de un Convenio. El Acuerdo que se adoptó -que era igual al del colegio de Ujo- recogía ya, de alguna manera, las peculiaridades que debían ser tenidas en cuenta tomando de referencia dos cosas: el funcionamiento del Colegio madre y de la propia idiosincracia de la Sociedad Hullera Española. La iniciativa de diseñar el contenido específico del Convenio corrió a cargo de los Hermanos de la Salle, que intentaron amarrar cuestiones, tan accesorias para algunos pero tan básicas para ellos, como:

  • la económica, que, a pesar de todo, empezó a dar problemas nada más firmarse el Convenio;

  • la académica - independencia absoluta de actuación de los frailes- y por supuesto,

  • las relativas a la vida intrínseca de la Comunidad religiosa.


Los guajes, tras una clase de puntualidá horaria


Genéricamente, las bases del Convenio eran las mismas que las del Colegio de Bustiello. Sin embargo, se perfilaba algo más la independencia del Colegio de Caborana respecto a la Hullera en cuestiones como las académicas, originándose, por ello, la primera crisis de interpretación del Convenio al poco tiempo de su firma con el tema de la elección de los libros de texto, y no tanto por problemas morales, no creais, no, qué va, ¡con la Iglesia se estaban topando!, amigo Sancho, sino por cuestiones económicas.

En el convenio había quedado marcado estatuariamente que debían ser solo los Hermanos quienes decidiesen, no sólo el tipo de material que se iba a utilizar en la docencia , sino también la cantidad del mismo a emplear .


También nos sacaben a la trope la calle
( Al fondu, El Olimpia)


Este tema, trivial en principio, había debido traer, tiempo atrás, algún tipo de problemas al Colegio de Bustiello y, ahora, se quería evitar su repetición en Caborana, aunque, sin embargo, parece ser que no se consiguió del todo.

Se alcanzó la reafirmación de la autonomía académica del Colegio, no haciéndolo depender en ningún caso de la Junta de Escuelas de la Caja de Socorros - punto 5º -.

Los exámenes públicos de final de curso en presencia de un Tribunal, en el que debían estar representados los distintos estamentos de la Empre
sa, continuaba haciéndose, pero, más que nada, como deferencia hacia la Sociedad Hullera Española benefactora económica del invento.

Otro rasgo de autonomía que se consiguió fue que la expulsión de alumnos - caso de tener que tomarse esa medida - se hiciese de acuerdo con un criterio único, tomado de forma unipersonal por el Director del Colegio , sin mediar ni la intervención de la Empresa, ni la de la Junta de Escuelas ya aludida


Richard Masuñaguajes


- Continuará


¿ESQUIAR?, ¿NUN ESQUIAR?,...FILOSOFABA EL SIESPIR

sábado, 1 de marzo de 2008





Lne.es » Caudal

Fuentes de Invierno Estación Invernal

NOTICIAS

La falta de nieve y las altas temperaturas ponen las estaciones al borde del cierre
Parte de nieve :
Estación CERRADA
Espesores: -cm(min-max)

Calidad:
Remontes: 0 de 5
Pistas: 0 de 15
Kms pistas: 0,0 de 8,8




  • - Sinda, múdate, que vamos dir pal Conomato

  • - Anda, Mingo, tengo mas que facer. Déxame en paz

  • - Venga, peínate un poco y vamos pa llá

  • - Pero, Minguín del alma, si ya tengo fecha la compra el mes

  • - Venga, vamos

  • - Si hai de tó en casa. ¿Eches algu en falta?

  • - No, nun ye eso

  • - Entós, qu´osties pasa,… que faesme hast´ hablar mal

  • - Que me concedieron una suvención

  • - Una, ¿qué?

  • - Una suvención

  • - Nun me digas que sigues empeñau en mercai la güertona a Fredón

  • - No. ¡Quiá!. Na de trabayar, Sindina

  • - Cómo ye eso

  • - Una suvención pa folgar

  • - Ay Minguín míu, últimamente desvaríes como los políticos

  • - Ye una suvención municipal

  • - Pero, vamos a ver, maríu míu, qué coyones pienses que te va dar l´Ayuntamientu

  • - Calla, bobona

  • - Ya t´engañaron otra vez, pazguatu

  • - Non. Les perres son pa comprar un equipu d´esquí pa ti y utru pa mí, pa dir a Fuentesdinviernu

  • - Onde vas dir tu, zoquetón, si tienes mieu al avión y…a mi en autobús nun me lleves po la carretera alantre miles de kilómetros

  • - Non, mujer, Fuentesdinviernu


El probe de Horacio lleva años esperando por el ON


  • - Ya t´oyí. Nun ta p allá lantrón, po los Alpes palantre

  • - Que no. Ye por Sanisidro

  • - Anda Mingo, tas llocu. Nun sé pa qué coime mercamos tos los dís el periódicu.

  • - Ya ta inaugurao. Sí leílo, leílo.

  • - Y, entós qué ye, qu´inores que pa esquiar fai falta nieve

  • - Descubriste América, Sindina del alma

  • - Qúe ye que nun t´acuerdes de cuando yéramos guajes y nevaba ladedios. Dirételo de forma científica: la cota de nieve subió 200 metros

  • - Que suba lo que quiera. Nosotros vamos en el R12. …Vas tar reluciente, ¡voy comprate un traje de la ostia!

  • - Doite utru datu mas: la temperatura media subió allá riba 5 grados y nun val de ná la nieve artificial

  • - Si ta mas caliente, muyer, meyor, pasaremos menos frio. Dexa poner trabes

  • - Ay Minguín míu, tais fechos unos boborones. Valvos tó. La escalera mecánica en sin maquinaria, la navegabilidá del ríu en sin agua, la estación d´esquí ensin nieve, el traslau de la sede de la ONU al Canamal, con la construcción d´un aeropuertu en Sinariego y la reconversión de los excedentes de la mano de obra de la minería en eficaces traductores de les diferentes llíngües mundiales,…

  • - Ostia, eso nun lo sabía yo…

  • - Pues sí, po lo que paez tamién ta nello Villalta. Como l´edificiu de la ONU tién problemes estruturales y de funcionamientu de les istalaciones xenerales, pos,…

  • - Coyones, ye verdá, tién razón l´Alcalde. Por qué güevos va tar en los Estaos Yuníos

  • - Eso, y el Arcángel va colocávosla aquí al llau. Así que Minguín déxate de mercar ropa pa la nieve y,…invierte en suvenires pa espetáyoslos a los extranjeros que van venir.

  • - Menos mal que te tengo a ti, Sindina mía. ¡Cuánto vales!, cabrona. Ahora mismo salgo pa tantear algún localucu vacíu,….Vamos facenos ricos,….Y…¡Qu´esquie su putamadre!


Notros tiempos nun facía falta dir muy lejos pa pisar la nieve




En Caborana, taba hasta justificao el sacar la escopeta.
¿ Y si venía´l osón?.¡Eh!



Lne.es » Caudal

Dizlo Villalta, ensin despeinase, ejerciendo del pariente científicu de Rajoy:

«En Aller sí era una prioridad social construir una estación de esquí»
«No creo que Fuentes de Invierno sea una obra desacertada, sólo tenemos mala suerte porque este año no nieva»