EL ROCK ( 2 )

domingo, 4 de noviembre de 2007


ANTECEDENTES

Un antecedente debe considerase a lo que ye una circunstancia que pué servir pa xuzgar los fechos posteriores, po lo qu´hai que traer a colación nestes llínies a toes les aprosimaciones musicales históriques que tuvieron algo que ver con Caborana hasta l´aparición del los primeros serruchazos del rock.

Paez ser qu´a resultes de les desavenencies, fai ya mas de dos mil años, entre nuestros vecinos de Caborana y los romanones asentaos na Carisa, andábamos a morrillazos toes les tardes después de trabayar, y, pa putear, cuando colaron los foráneos marcharon deportaos con ellos un par de soplagaites de la Calle´l Bote pa una ciudá cercana a Nápoles, creo que se llamaba Pompeia. Y allí en la Vía Augusta XXXVII, Local LVII, tuvieron una academia musical, Orpheus Musicalis. Po los datos recoyíos en Nembra nel

Nel segundu habitáculo- Local LVII - taba l´ Academia


Aula d´interpretación de La Carisa, suponse que los nuestros paisanos fueron los allí conocíos como Piero L´Allerán y Doménico Cabalcantti, por razones que nos resulten obies a tos nosotros.

Dando un saltu nel tiempo, pa de pasu poder insertar una fotuca, a principios del siglu veinti tuvimos en Caborana una famosa orquesta de cámara, la Caboraniae Chamber Orchestra, que siendo experta en la música barroca interpretando

La Caboraniae Chamber Orchestra

como nadie la música del Vieyu Peluca, de Vivaldi, Telemann, Devienne,… dieron un pasu palante ( claro, yeren de Caborana ) y especializáronse y viaxiaron por to la nación interpretando música romántica, de Mendelson especialmente, resultando na quellos tiempos la única Orquesta de Cámara nacional con esa especialidad y teníen contratos casi permanentes nel Palau .

Anantes la guerra, el centru musical del conceyu trasladose a Morea. Allí, Máximo El Relojeru, conocíu como Máximu el del Colón pol nome del Café-cantante que regentaba, yera pianista, acompañaba les actuaciones que por el tuguriu apaicíen y fundó el Orfeón de Morea y luego la Banda Música. Ni que decir que ún y otra tuvieron allimentaos por

Orfeón de Máximu el del Colón, con xente de Caborana

xente de Caborana. Lo mismo hay que decir de cuando la banda pasó a manes de Cesar San Narciso, famosu flautista, casau en Morea con Celsa la de Tropezones.

Y cuando l´hermanu de Cesar, Fernando, que yera pianista, fundó en Mieres la Orquesta San Narciso, pa con él llevó a lo meyor de la sección de viento local. Tos de Caborana.
Tamién tuvimos representación na orquesta Los Boleros, de Jandro, Vitorín y,..Pola. Y en la que dependía de la Banda Música, na que tocaben Eugenio, Josemaría el

Primeres formaciones de la Mary

LLampisteru, fíu de Patrocinia, Matias el de Lacasanueva,… Pa finalizar con la ya mas próxima Orquesta Mary, de José, Paquillo al piano, Eugenio, Andrés,…..Arboleya, Chiquilín,….

Esto que sigue, ye según los vecinos de Morea, yo, la verdá, nun tengo constancia de su procedencia, pero los del pueblu de al llau asígnennos la procedencia de Caborana del travesti que taba actuando nel Colón de Máximu cuando estalló la Guerra Incivil y que, sintomáticamente, a pesar de tar a un kilómetru de su casa, quedose a vivir

Única foto que conseguí del Mariquita El Jerque

co nellos porque decíen que allí taba mas seguru. Hablo de El Jarque, que pa mi que yera de mas pa llá de Ujo, pero ya se sabe , los de Morea a lo suyo, ye decir, a metese con lo nuestro.

De la Banda de Cornetes y Tambores ya hablamos notres fueyes desti blog. Algún fíu d´algún tamborileru acabó dandoyi ostiazos a la bater
ía nel grupu.



Hay que citar de llau les manifestaciones musicales de conteníu mas floxu, light como diríen agora, que nun acabaron nel rock. Vamos a dedicai un especial a la copla, donde nuestra máxima representante fue la hermana de Currini, ganaora de Rumbo a la Gloria.

Tuvimos hasta una tuna,…y jódete, a fuerza de ser orixinales, femenina.






Y pa finalizar, mencionar al conocíu Orfeón Santacecilia de Caborana.



Nel Artículu anterior de la Historia del Rock decía que taba en digilitación y prósimu a publicase un CD con les actuaciones y les canciones mas importantes de los grupos de rock locales, reproduciendo entonces la parte delantera de la caxa del CD. Ahora colócovos la parte posterior, con el títulu de les canciones que tos recordareis y que fácilmente podeis tararear.¡¡¡ Los pedíos del CD nel correo del BLog ¡!!



Próxima entrega (3): EL FOLK


6 comentarios:

Anónimo dijo...

Sr. Exiliado,ha hecho una gran exposición sobre la historia musical en Caborana no se si lo he leido mal, pero no se ha acordado al Trio Matiza ni del Coro de los frailes.

El Exiliau dijo...

..El trio Matiza,...por su especial entonación de las canciones asturianes, aparecerán en el próxima entrega ...el folk...o no?

Pa los frailes tengo reservao un monográficu de varies entregues...será la próxima publicación

Hay pa tós y pa catarro

Viñona dijo...

Me consta la veracidad detallística de los datos de las personas del Orfeón, Banda Música y grupos de música de Moreda.

Por interés propio, pregunto al autor del Blog, si tiene alguna foto mas del asunto. Y si puede ponerla.

Un saludo desde aquí al lado

Gracias

El Exiliau dijo...

Viñona:

Esti blog ye fundamentalmente de Caborana y, colateralmente, lo que sea y que tenga alguna relación con nuestru pueblu.

Yo de Morea tengo fotos y recuerdos que me fueron trasladaos por mi pá que había nacío baxo lo que llueo fué la Tenencia de la Alcaldía. Y tuvo un tíu que yera el bombardino de la banda música y él llegó a ser aprendiz del arte del bien combinar soníu y tiempu bajo la batuta de Cesar San Narciso.
Pero, son coses de Morea, que nun tiene cabía nesti espaciu

Un saludu

Anónimo dijo...

k risa, mi padre sale en el orfeon..jiji

Don Guaraguao dijo...

Estimado Sr. Exiliado: Me encuentro en la fase de investigación para escribir un libro sobre la Tuna y he he hallado con grata sorpresa el dato de la tuna femenina de Caborana tuna femenina de Caborana, ¿sería tan amable de facilitarme la fecha de su creación y, si fuera posible, el periodo durante el cual dicha tuna estuvo activa? ¿Salía sólo para carnaval o las fiestas populares de la localidad o tuvo vigencia continuada? ¿Estuvo relacionada con alguna institución educativa?

Me interesa muchísimo igualmente si me pudiera facilitar cualquier otra imagen de esa u otra tuna de la localidad o su entorno... ¡y cuanto más antigua mejor!

Esperando sus noticias, reciba mi mayor consideración,

Félix Martín Sárraga
censodetunas@gmail.com