A V I S T A R I O L A

lunes, 11 de octubre de 2010




Cafetería Maher. Altes hores de la noche.
Solo paisanos.
Apoyaos na barra, Tonín y Chatín son dos d´ellos




  • - Táte a lo que tamos. Déxate de tantu llamar por teléfonu
  • - Calla, ho
  • - Si ye p´enseñame el ifone de los güevos, doime por entereu
  • - Espera,..
  • - A quién cojones llames tantes veces
  • - Ahora te lo esplico
  • - A la tuó muyer?
  • - A Sindina?. No. Quiá
  • - A estes hores solo ta xustificá una llamá a casa pa disculpar la tardanza
  • - No. ¿Nun t´enteraste?
  • - De qué
  • - Separeme. Va facer cinco meses ya.
  • - Ostia, ¡niputaidea!
  • - Ya lo ves. Después de 28 años de caseu
  • - Y, po lo que veo, tanta llamá, ye que ya tienes repuestu
  • - Sí. Sí. La Sofi. Seguru que nun la conoces
  • - No. Nun caigo.
  • - Ye una rapazona de veinticuatro años
  • - Menos que la tuó fía
  • - Si ves cómo ta: ta pa mexar y nun char gota. Ta com´un tren
  • - Y, a qué se dedica
  • - Fai de to
  • - Entós como Sinda: friega, cocina, llimpia, …
  • - No. Fai un pocu de modelu, baila danza africana, viaxa,
  • - ¿Modelu?
  • - Ye una profesión. Vístese con trapos prestaos pa que la xente la vea
  • - Oye, y con esos mimbres estrambóticos, la cosa, ¿llévesla en seriu?
  • - Ye difícil predecilo. Ya viste con Sindina, pensé que yera pa toa la vida y acabó escojonándose
  • - Pero, con la modelu,..
  • - ¿Qué?. Nun te descojones. Con ella ye to diferente
  • - Cuenta, que veóte que te mueres por facelo. Babayées, Tonín
  • - Va to de ríxiu. Hasta a mí me sorprende
  • - Y cómo ye, que tienes que dar cuenta d´ónde andes
  • - No. Taba llamándola porque habíamos quedao pa dir a un avistamientu d´ovnis
  • - De qué
  • - Lo que oyes. Mírame a mi, a esta edá con estos proyectos tan acojonantes
  • - D´adolescentes
  • - D´actualida
  • - Y, ¿motívate eso?
  • - Por supuestu. Nun diba yo a un asuntu d´esos, a pasar una noche a la interpèrie con Sindina ni ateu. Ni mameu. Pero, con una neña xoven, nun sé lo que me pasa, alborótate tou
  • - No físico también, m´imaxino
  • - Sí Chatin, sí. Pués imaxinátelo. Y cuandu te la representes na porreta, olvídate de la celulitis, de los pliegues y de les pates de gallu
  • - Sigue. Apúrreme mas datos
  • - Espera, déxame marcar otra vez ….
  • Joder!!
  • Mira, cuandu la oservo a veces, nun me lo pueo creer. Tién una cinturina así. Y la barriga com´una tabla. Y les ñalgues dures y firmes,..
  • - ¡Ye natural!
  • - Ostia, yo conocí a Sinda cuandu tenía 17 añinos, mas xoven quésta. Una guaja. Y fíxela al mió gustu. Al mió paladar. Fui moldeándola.
  • - Como tos: la casa, llimpia y aseá; la comía…
  • - a la hora; los guajes, pendientes d´ellos tol ratu. Pero nun tuve con nella relaciones hasta que nun i puse fecha a la boda.
  • - Y de llí hasta quí, fuete bien. O eso paicía.
  • - Canseme
  • - Si yeres l´envidia Les Colomines
  • - Taba hasta mas pa riba de los güevos.
  • - Hasta la corbata
  • - Y dime cuenta de que necesitaba un nuevu enfoque, con otru encuadre distintu
  • - Y con otra partener, por lo que veo
  • - Xacto. Pero, ya me ta jodiendo. Nun sé por qué nun me contesta
  • - Toma otru cacharru. A lo meyor hai sobrecargu de llínies. ¿Vive sola?
  • - No. Con otra amiga, estudiante. Un putu desastre de rapaza. Tan prontu ta nel pisu, como en Brasil intentantu evitar la tala de coniformes
  • - Joder, igual tan xuntes nuna deses apuestes reivindicatives y olvidose del avistamientu
  • - Toi llamando al pisu y nun coxen el teléfonu
  • - Ves… Pero, home, nun te cabrees
  • - Ye qu´habiamos quedao en salir a estes hores. Toi poniéndome que nun m´aguanto.
  • - Joder, sitúate. Sabes qué te digo, que canseme d´escuchate pijaes. Entérate: To nun van a ser ventaxes. Esi yel problema que tienen les muyeres d´ahora.
  • - Yo, dígotelo de verdá, nun yos veo problema algún
  • - Pues esplícotelo yo
  • Tira
  • Que son xóvenes, llibres, independientes, atractives, interesantes,….pero…
  • - Pero,…pero qué
  • - Pues, que nun son como les nuestres. Que quedes con elles y nun tan. Esa ye la cosa. Nun tan. Nunca tan
  • - ¡Minio, ponme otru cubata!, en vasu sidra, que voy a cagamensumadre



Nun hubo mas llamaes. Ni avistamientos.




3 comentarios:

Manuel Trillo dijo...

Estimados amigos de Aller:
bien sabéis que estoy trabajando sobre la "Historia del Concejo de Aller (1917-1952): de la Huelga General al final de la Guerrilla". He creado un blog donde iré colgando fotos y documentos que pueden ser de interés y que pueden saciar alguna que otra curiosidad (para los curiosos y los estudiosos). Espero que antendáis este ruego que os hago en blog. Y al Exiliau muchas gracias por permitir este mensaje.
Gracias a todos por vuestra futura colaboración.

La dirección del blog:
http://historiadelconcejodealler.blogspot.com/
Manuel F. Trillo

manuelf.trillo dijo...

Y ahora sobre la historia que se cuenta en esta entrada escuchad, por favor, "Caballo Viejo" de Maria Dolores Pradera. Esta para los vitalistas.
http://www.youtube.com/watch?v=3oHKXzAgqKg
Hay otro tema que os gustará cantado por la misma cantante: Dos amores
http://www.youtube.com/watch?v=MmHv2cp3FMw

Mnauel Trillo

caborana dijo...

Muy bueno. La música enriquece y complementa el momento, lo escrito, lo sentido.

Gracies, Trillo