¿ QUÉ VOS PAEZ ?

martes, 17 de julio de 2007




Acaba de facese públicu el sueldu "ofical" del Alcalde´l Conceyu. Traémoslu aquí a cuentu, porque´l titular del mismu, Villalta, apodau´l eternu, tién que ver con Caborana.

Entorno a los sueldos de los políticos locales hai dos posicionamientos. Los que piensen que nun deben cobrar y que si nun tan conformes con lo estipulao, que lo dexen y puntu. Y los que cren que deben tar bien pagaos.

Yo entiendo que les dos postures son igualmente válides, pero aplicables a distintos puntos de partía. Intento esplicame. Si les eleciones se planteen mediante listes abiertes, onde se elige al vecín que mejor puea gestionar el municipiu, hai que pagai en condiciones pa que nun puea pasar que por culpa les perres se fuera a perder al meyor dirigente posible. De caxón. Si les eleciones son en listes cerraes, onde los candidatos son inamovibles y extraños a los electores, que na puén facer pa poner a esti o quitar al otru, nun habría por qué supervaloralos, ya que ya lo fai quién elabora les listes.

Ye curioso, pero ta pasándonos lo contrario de lo razonao. Eleximos a través de listes cerraes y,... pagámosyos en condiciones. Con el agravante de quel sueldu nun ye incompatible con les dietes del consejo de adminstración de cualquier empresa municipal o de cualquier otru puestu institucional. Desconozco si, nel casu de ser pensionista, nos aforramos la paga y queda nes arques de la Seguridá Social o tampoco tién na que ver.

De toes formes, ye plausible que se concrete y se faga públicu

¿Qué opinais?



3 comentarios:

L´Allerán dijo...

Aclaraime :

¿Esa cantidá ye antes de impuestos o ye la que yos ingresen directamente, libre de polvo y paja, en la cuenta de Suiza?

El gallu dijo...

Opino que esto de la política no hay dios que lo entienda, y ye una verguenza.Si están con dedicación plena, deben cobrar un sueldo como cualquier funcionario de su categoría.No hay motivo para que estos señores (muchos con escasa preparación)cobren sueldos de 50 y 60 mil euros al año.

El Exiliau dijo...

Pienso que nun van por ahí los tiros. La escasa preparación, muches de les veces propiciá pol sistema nun olvidalo,( que nun ye voluntaria ) nun pué ser, enriba, causa d´esclusión dun cargu públicu. Lo que faltaba. Nomenó.

Si tos conviniéramos quel meyor gestor pal ayuntamientu de Ayer fuera Pericu el de los Palotes, habría que pagai tanto como en su vida particular tuviera ganando dichu vecín, pa que nun fuera´l casu de que tando tos d´acuerdu, el se negara a asumir la responsabilidá. Esa ye la idea.

Ahora, si la conveniencia nos la dan fecha, y tien que ser Perico el de les Fesories, no el de los Palotes, póngaste comu te pongas, a lo meyor debiera pagai el que lu designa. Podía ser el casu.

Esa era la idea