EVAS

Una vez que tuve ocasión de pasar por el tuguriu que tenía el Sabina na Plaza Mayor de Madrid, nuna buhardilla con vistes al mar, vi pegaes nun panel de corchu que cubría una paré de la estancia estes semeyes, con una referencia nun posit que ponía solamente: Eva. Díxeme, ostia, si estes rapaces son de Caborana. Y, con descaru, preguntei qué sentíu tenía aquello y díxome que taba por componer un canciu sobre Eva, y aquelles tres moces y les manzanes na su mano, esperaba que lu inspirasen.
Como les noches n´aquel antru son mas llargues qu´en los demás sitios y duren ladedios, diome tiempu a escrbiyi unos versucos, que llueo, po lo que ví, completó, musicó y grabó nun discu. Esta yera mi versión…..¿ podré demandalu por plagiu?,…¿ qué vos paez?

Empezó to cuando la serpientona
apurríoi una manzana y dixioi: “prueba”
Llamábenme Adán, seguamente,
y tú, apelábeste Eva.
Malvivíamos “pol morru” nuna casa
abandoná del Tarronal,
si nun tuviste allí, vas joete, perdiste
el Paraísu Terrenal.

Garramos un colchón de la basura,
dos silles y una mesa con tres pates,
mientres yo facía palitroques,
tú freíes les patates.
Plantamos cañamones de xabú
y un tiestu creciónos nel ventanal,
con una rama del árbol del conocimientu
del bien y del mal

A Eva prestabai tar morena
y zampase ca tarde al sol,
nadie vió nunca una sirena
tan en porrica nun balcon.
Zas, a toa ostia, en ca ventana hubo un maríu
na mas que se desnuaba la mio moza
aunque en Ca Goro pusieren na tele
el partíu entre Caborana y Zaragoza

Un dia, el esculienzu del entresuelu
garró al su paisano fisgando,
armó ladedios y telefoneó
al ceru noventa y tantos.
Y como yéramos probones del to
y nin teníamos guerta,
nin yera pariente nuestru Soto,
de na nos sirvió la reyerta.

Eva tomando el sol,

benditu descontrol.

Besos, cebolla y sal,

¿Qué coyones mas quiés, Adán?