EL ROCK

miércoles, 10 de octubre de 2007


L´otru día, a raiz de poner nel artículu sobre Julina la Tana la lletra de la canción de The Battle of Bacon dun grupo rock de Caborana de los años 60, prometí pasar por el blog un estudiu que taba faciendo de la historia del rock local y hoy arranco con una serie de secuencies que analizarán tou el conteníu de tal eventu.



PRIMERA APROXIMACION




El rock nació nos años 50 como una música arrogante y atronaora. Emprincipiu, pa durar poco….. Joder!, pero al cabu´l tiempo convirtiose nuna música, que nun solo permanez y tiense firme ( como Caborana ), sino que medra, pa cabar faciéndose nuna crónica del nuestru tiempu, indicaora de les relaciones sociales existentes, del cambiu producíu na sociedá y pa resultar siendo na meta un estandarte identificativu de varies generaciones de mozos…. Simplificándolo un poco, …… ladedios!. Nun va ser facil sintetizar la historia del rock, ya que ye una historia complicá :

  • - Tien un componente internacional mui arraigau

  • - Ye la industria de entretenimientu mas importante del planeta

  • - Orixinó infinidá de movimientos culturales, y

  • - Fue la pauta del comportamientu de la xuventud en ca momentu históricu


BLUES de la Pevidal

Como tos los grandes movimientos de renovación, fízose d´abaxu panriba. Ye decir, la nueva tendencia musical nun naz en los grandes salones musicales burgueses, ni en los casinos de los pueblos, ni nes Asociaciones d´Antiguos Alunos de los frailes. Quiá. Naz na caleya, nes antojanes.
Tampoco, po lo xeneral tan sus músicos entre los fíos de les clases dirixentes, sino entre les minoríes mas inquietes.


Y aunque y´un productu genuinamente americ
anu, ¡quéi vamos facer!, nun tardó en infiltrase en tos los paises, por mui alexaos que entuvieran del Imperiu, lo que avala que los sus valores intrínsecos yeren capaces de superar cualquier traba, tarabica o frontera.

Tién mas característiques xenerales el rock, pero diré desgranándoles y desarrollándoles nes próximes entregues. Adelántovos que trataré de ser exaustivu, situando los grupos en tiempu y acontecimientos locales, estudiando la nueva expresión a través de les letres de les canciones, co nun apartau dedicau al emburrie y llocura del directu, y tamién un espàciu pal sentíu de los carteles anunciaores.

El rock arrivó, como nun podía ser dotra manera a Caborana….y nun pasó de llargu. Quedose entre nosotros. Y, como nun nos olvidamos de casi na, daremos cumplía cuenta de los intérpretes locales, de les canciones originales y de les versiones mas memorables, de les actuaciones nos antros del pueblu,….de tó. The Boni´s Fiends, Canamals, The Crows FD Pinga, Danielito, Sinalme´s Brothers, The Black Mings, Ricardito, The strangers Stingys, Maera Family Group….serán algunos de los exemplos que pasarán en entregues sucesives por el blog.


CHA-CHA-CHA de La Pruvía


Además como colofón final, pa quien acredite haber tenío la paciencia de agüeyar toes les entregues, será premiau con un CD no venal, recopilatoriu de les pieces y actuaciones mas significatives.






10 comentarios:

Anónimo dijo...

.
Ye la ostia. Viviendo toa la puta vida en Caborana y nun sentí mas ruíu quel de les máquines del tren.

Exiliau, ¿de qué ruíu hables?

Anónimo dijo...

The Boni´s Fiends, Canamals, The Crows FD Pinga, Danielito, Sinalme´s Brothers, The Black Mings, Ricardito, The strangers Stingys, Maera Family Group.
Joder Buciello. Si nun conociste a estos grupos ye que nun yes de Caborana o tabes pa la mili.

Anónimo dijo...

Buciello, ademas del tren yo tambien oi los turuyos de los pozos paro esos ruidos que tu dices tampoco los oi

Anónimo dijo...

Buciello:

Pa mas señes...tate atentu,....hubo hasta un Caborana-sound...

A mas, nos Cuarteles de Tabla, mirando pa Buciello, nuna chavola daquelles, ensayaba un de los grupos....

Joder,...a parte les gafes, hai que poner la oreya...

Dame que Buciello va quedase sin el CD, que la tirá ye pequena,....

Anónimo dijo...

Joder, desajaivos de cuentos y pijaes.

En serio, ¿ mas allá de La Mary qué hubo ?, ¿ Los amigos de Boni?, ¿Los mineros negros?, ¿Los del Canaval?, ¿ Los cuervos de la Pinga ?,¿dónde?, ¿dónde?

Hay que ser serios o sino val mas cerrar este chiringuito

Anónimo dijo...

A Buciello y a un anónimo, se les olvidó entre otros muchos el rebuzno de los burros de los carboneros cuando llevaban un saco de más.

Anónimo dijo...

.
Buciello, Buciello,...

Tranqui,home,.... questo nun opiensa cerrase mientras haya algo na mollera.

Y nun ye broma. Tengo en mi poder les letres de les canciones del CD, les fotos de los grupos, alguna entrevista con sus líderes, el parecer de sus fans, la opinión de los paisanos del momentu, .....y pienso espetalo poco a poco, a pesar de los Buciellos que puean dir apaiciendo.

Y si lo que tienes ye reminiscencia de la copla, tamién habrá un espaciu pa la campeona de Rumbo a la Gloria, la hermana de Currini la de la Pruvía.

Venga, ánimu. Nun te jode, ¡¡¡será por música!!!

Anónimo dijo...

La lista de grupos me resulta familiar.

Pero hecho de menos, no sé por qué no se citaron, a The Teenagers, conocidos en el mundo de la camorra como Los Tanagras.

Anónimo dijo...

Buciello: Esos grupos aludidos actuaban alternativamente los domingos en la Pevidal durante la sesión vermout

Anónimo dijo...

L´Allerán:

Claro que conocí a Los Tanagras, pero teniayos reservau un espaciu monográficu nun artículu dedicau a La Naranja Mecánica,.....Joder!!!, que de tó tuvimos en Caborana