M A R I N A

sábado, 17 de mayo de 2008



Fai una temporá falamos aquí de nuestru Teatru Olimpia. Si vos acordais, aunque nun pasamos del ambigú, mereció la pena.


Hai costancia de que nel Olimpia estrenábense les meyores películes del momentu, al mismu tiempu qu´en Uvieu. Pero deso ya falaré notra fueya.

Hoy vamos falar de zarzuela. Y, facei memoria,… fue muy famosa la Compañía Lírica Local, na que se volcaben, polmorru, Muñoz, Pacita, Pardo, que yera pianista y maríu de Pacita y Soto, que yera tenor y el maríu de la Señoraluz. Y paralelamente, al llau, como nun podía ser d´otra forma, teníamos una compañía de teatru propia, na que los actores mas destacaos yeren Zamora, Gerardín y Manuela de la Pruvía, Demetrio, Dolores, Josemaría Barettino y mas xente que ahora nun recuerdo.

Con esa afición y presencia artística nel pueblu nun ye d´estrañar que les compañías nacionales y estranxeres qu´andaben de xira pol país, tras actuar en Uvieu o Xixón, vinieran a representar daqué espectáculu a Caborana. Podíen numerase un sinfín de obres, compañías, cantantes, actores,…pero vamos recordar en voz alta una muy soná.

Tal que hoi, taba anunciá la actuación, nel Olimpia, de la Compañía de Zarzuela de Buenos Aires, Arxentina, pa representar la ópera Marina, obra en tres actos, con música de Emilio Arrieta y llibru de Franciscu Camporrón ( con antecedentes en Comenencia y co nun descendiente hoy nel mundu de la prensa ), estrená po primera vez nel Teatru Circu de Madriz nel 1855.

Acabáronse les entraes namá anunciar la obra, tres semanes anantes del día de la representación. Y aunque paicía que nun diba arribar nunca la noche ansiámente esperá, como, aunque a ciencia cierta nun se sabe quién lo dispón, pero paez que to, mas tarde o mas tempranu, tién que llegar, media hora d´anantes del iniciu publicitau ya taba´l teatru hastalosgüevos.


La distribución del públicu pal eventu acomodábase a lo reglao nel Coliseu Romanu:

  1. - Abaxu, los senaores,.. perdón, que mal ando de la chola,.. la xente influyente, el galenu, el ingenieru ( no Jamín, l´otru ), el Brigada, los capataces, el ferreteru, los del Conomatu, los de la Salle,….tos, eso sí, como si fueren a misa, acompañaos po les sos muyeres, ataviaes con los meyores trapones y con les cares entafarraes como si fueren figurantes principales de la representación

  1. - Enriba, ´l pueblu. Nel gallineru, así bautizau porque yera onde los romanos colocaben a les muyeres de los probes gladiaores que chaven a les fieres, que glayaben en sin parar cuando los acometíen los animales, profiriendo un gritu coral ensordecedor que asemejaba, po lo que paez, a una pitera descomunal.




La temperatura interior del recintu yera insoportable, de tal forma que la espera paicía allargase infernalmente, nunca meyor dicho. Y el rimel y los polvos, faciales, entiéndase, comincipiaben a escurrise desde la cara al pescuezu y el escote de les muyeres de les autoridaes locales, a pesar del batir desaforiú de los sos abanicos de puntilla acarboná.

Cuando llegó´l momentu, y ya taba to mediopreparao, cantantes, coru, músicos y diretor, danse cuanta de que les partitures de la obra nun les traíen con ellos, que yos habíen quedao´lvidaes en Uvieu.

  • - A ver, busscar urgeeentemente al dueño del teatro
  • - Es aquel señor que está allá abajo, en el patio
  • - Pues que suuuba. Hay quesplicaaarle el problema
  • - ¿Qué ye, que vosotros nun teneis calor?. Amás, ya ye la hora, así que, venga, a empezar, según lo contratao
  • - Miíire voos, es que no teneeeemo partituuuras y sin partituras no podeeemo empesaaar
  • - Parti…¿qué?, arxentinu de los …..
  • - Partituuuras. Log pentagraaaama con la múuuusica y la leeetra de Mariiíina
  • - Qué dicis, que Marina nun vos les presta?, ….pues en Caborana deso nun tenemos. Asina, que si nun podeis cantar lo acordao, daisi al repertoriu popular. Joder, empezai con a la mar fui por naranjes, y como aquí nel pueblu hai xente muy animao, vereis que pronto s´arranquen con vosotros.
  • - Que nooo, vieeeejo. Que esto es muuucho ma serio, compadre. Ya salieron a pooor eeellas, y tardaráaan un buen raaato en llegaaar
  • - Pues, o munchu m´equivocu, o a toa esta xente y a esti calorón nun lu aguanta nidios
  • - Bueno, amiiiigo, vooos caaaalmar, para que no cuuunda el alboroooto, lo mejóoor es que se suba la autoridáaa y que les espliiiique al gentíiio lo que paaasa
  • - El Brigada ta hí con la mujer y, quiá, nun lu van dexar subir
  • - Pibe míiiio, habrá mag mieeembro de la autoriiiidá, nooo?
  • - Sí, tenemos un Policía Municipal, pero esi nun ta quí. Ta dandoi al campanu
  • - Mi vieeejo, pues como tampoooco es tan graaande el pueblo, apareserá…. Sosieeego, buen hoooombre
  • - Imagínate lo que quieras, arxentinu, pero siendo to lo pequeñu que tu quieras el pueblu, tenemos treintaydos chigres, nuntejode. Y él, además, para en tós.

A toa ostia salieron a buscar al Municipal pa que cumplimentara la idea del diretor de la Compañía de Zarzuela. Y llegó, tambaleante, después d´haber xarricao 17 pintuques, pero, a pesar de to, bastante rápidu. Sinembagu, l´ambiente nel teatru taba mas que caldiau, taba ferviendu.

Tras oyer l´esplicación respetiva, sal el Municipal al escenariu, formándose inicialmete un descojono entre´l públicu descomunal. Paciente, nel centru la escena, esperó sininmutase a que callara toa la xente. Y, nun me digais el por qué, pero fízose el silenciu.


  • - Señores y señoras,.. hip,.. en nombre de la Compañía de Zarzuela de Casadiós,.. teó comunicavos un pequeñu problema. …Po lo que paez ,.. hip.., la función nun pué comincipiar porque estos pazguatos nun tienen consigo les partitures, ...hip..que nun se lo que son, pero aseguren que nun tardarán en llegar, así que paciencia,..hip…hip

A pesar de que se armó un gran alborotu, desde lo altu´l gallineru oyese, con meridiana claridá identificativa, un gritu cual alaríu:

  • - Jodeeer, Manolíiinnn, que yé, que ahora yes empresariuuuuuu??????
  • - Soy,..¡¡¡ la putatumadre ¡!!

Y sin analizar les consecuencies, fizo mutis por el foro, a la par que proliferaben, de forma unánime, los silbíos, los zapateos y el griteríu colectivu

  • - Joder, Manolín, dexásteme aplaneu, …tienes que salir a pedir disculpes
  • - Que les pida Clavijo, ..hip..enseñando el pijo.
  • - Cagonmimanto, tienes que salir, que si non, a esti pasu, voy tener que suspender la función y va ser muncho peor

Armándose del valor que suél aportar, a veces, nun ye una ley universal, el excesu etílicu´n vena, vuelve Manolín pal escenariu, liándose de manu nel teatru ladediosescristo, situación que fue amainando ante la quietud impertérrita del Municipal. Cuando apagase´l ruíu, llevantó les manes pa riba Manolín espetándoyos:

  • - Quiero pedivos perdón,…hip…porque anantes nun tuve muy acerteu, reconózcolo, ...hip... pero,…pero,…pero ye que allá riba hay muncho hijodeputa

El ¿respetable? puestu´n pié protestaba, acordábase de la familia de Manolín, que tampoco taba nel teatru, y pedíen la devolución de les perres unos, y otros, como los curas, ofrecíen osties, …¡¡¡Ye una vergüenza!!,…¡¡¡¡Caraduras!!!...

Caborana, manodedios, como siempre fue el epicentru de munchos milagros, cuando mas encarnizau taba´l asuntu, empezó a sonar la música y el coro dejose de pijaes, yendo diretamente al estribillu y, nun me pidais les explicaciones a mí, pero a pesar de ser la Compañía de Buenos aires, cantáronlo´n asturiano:



A beber, a beber, a folgar,
el glayíu del dolor,
quel vinu de Goro fadrá olvidar
les penes del amor

A beber, a beber, a soplar,
la copa de licor,
quel vinu de Goro faldrá olvidar
les penes del amor

Y que nun importe,…bebamos mas
y que nun importe,..soplemos mas
que la vida yun suspiru,
y ya paicerá el que tendrá que pagar


7 comentarios:

brujaroja dijo...

Dejando aparte la gracia con la que escribes, me tienes verdaderamente alucinada con la documentación, (gráfica y de la otra) y todo lo que sabes de Caborana. Y no sabes cómo me gusta visitarte y disfrutar de tus posts...

El Exiliau dijo...

Agradécense les flores y, tate segura, que dirán pal mas guapu de los tiestos

Buciello dijo...

Esti añu vamos celebrar fiestes en Buciello.

Ta libre el puestu de pregoneru.

Guille dijo...

Buciello, menos aml que nun lee ésto Manasé, que si no,...

El gallu dijo...

Ye la de Dios.Estoy imaginándome a Manolín en el medio del escenario pidiendo disculpes.Hízome mucha gracia cuando Manolín le contesta al empresariu que las disculpas las pida Clavijo enseñando el pijo.
!Bravo exiliau, yes mundial!

El Exiliau dijo...

GALLU:

Mundial, singular, exportable,... especie de Macondo, fue´l nuestru pueblu. El resto ye, como con les muyeres, el azar, ... suerte de toparse con ella ( Caborana ).

Añado, pa que se sepa, que tu tabes nel teatru aquel dia y pues corroborar la que se armó cuando, mirando al gallineru, en especie de brindis al terror, dijo Manolín...ye que allá riba hay munchu hijodeputa!.
¿Acuérdeste?...Tabamos en delantera lateral, enriba del personaxe, jeje

Gracies gallu.

El gallu dijo...

Pues claro que me acuerdo exiliau.Como voy a olvidame de Manolín después de la que armó, yo creo que nunca nos reímos tanto.No sé si sabrás que estaba obsesionau en saber quién lu llamó empresariu, pues de aquella era casi un insulto.Por fin, enterose y cagose en su puta madre lo menos cien veces.No podía dejar esa ofensa sin venganza.