LA ESTAFERIA

Al principiu´l veranu presentose´n sociedá una nueva revista cultural ayerana, La Estaferia.


Ye pronto, tras un solu númeru, pa criticala, pero solo dos apuntes:

• La distribución de la revista fízose dexando tres ejemplares en ca chigre de ca pueblu, con una pegatina como la que se reproduz, puesta en la portá:

Ni que decir tién que a ningún paisano de Conforcos, por poner un exemplu, sei ocurrió baxar hasta Morea. Pa qué : pa encontrar el Centru cerrau?, pa que nun hubiera exemplares?, pa que tuviera ausente el encargau´l repartu?, pa que-i pusieran una multa por tar mal aparqueu y menudu preciu de revista?,.... Pues no, resultoi mas amañoso mangala del establecimientu y así cuando-i preguntabes por ella en cualquier bar al dueñu, decíate :” Sí , húbola per qui, sí, pero debieron llevala “.
Nun fai falta ser mui listu pa dar con otra fórmula meyor

• Sin entrar nel fondu de lo que se trata nes fueyes, que podrá comentase con mas números na mano, pué decise que la revista nun aporta na en cuantu a diseñu, tipografía, forma de exposición, maquetación, presentación, …..Vamos que a mi paezme que, analizá la forma, a voteprontu, bien podía ser una revista impresa fai 30 años, y son muchos años y munchu el progresu producíu en nes formes de representación gráfica desde entoncenes. Tamién se pué facer un esfuerzu innovaor nesi terrenu.

Po lo demás, la aparición de cualquier mediu de comunicación ye loable y, por mi parte, cuando el que apaez na foto de la portá llámeni Caborana y, además, ye del pueblu el Diretor de la publicación, un deseu entrañable: ¡¡¡ QUE DURE !!!