ESTAFERIA AYERANA 2

martes, 22 de abril de 2008



Ya conseguí mangar l´últimu númeru, postreru al primeru, de la Estaferia Ayerana.




Son unos fenómenos, porque, m´imaxino que tras un cenciezúu estudiu de marquetin, dignu d´aplausu y ocurrencia, apaecen les revistes como que nun quier la cosa nes meses de los chigres, eso sí, con una pegatinona mui clara que diz: NO LLEVAR.




Y entós empieza apaicete, veníu de nun se sabe onde, esi istintu primitivu que te diz interiormente, mecagonmimadre, tengo que robala. Y ahí cada cuál búscase su vidilla, y ellos, con el regustu que disfruta quien coloca un nuevu exemplar, reponen les revistuques a la pitacallando, ensin mas, consiguiendo dos coses, una, que la lleves pa casa con una mueca de sonrisa picarona y, otra, aumentar la tirá mas que si se distribuyeran nes llibreríes y nos quioscos locales. Hai que reconocelo, tou´n inventu pa patentar.

Lolo viola nun chigre de Collanzo. Y díbensei los güeyos n´ella, pero, tras la barra, taba una muyer que tenía los suyos nel, nuna especie de desafíu figurau, trasmitiéndoyi el tate quietu paisanu, que tan controlándote.

  • - Oiga, paisana, ¿tendrá algo pa danos de comer?

Con un pocu pachorra, la famosa calma collanzil, ponse en marcha la paisana, con nuna cierta galbana, que dai tiempu a Lolo pa precisar la suó estrategia rateril


  • - Lolo, si ya comimos en Cuergo
  • - Calla, Amparín
  • - Cómo que calla, ho,…. si ye que quedaste con fame,… pide solo pa ti
  • - Como voy tener fame,..
  • - Entós que ye, ¿solo por facer gastu?. O, …¿gústote algu esa paisanona?
  • - Quita pa llá. Tampocu
  • - Joder, Lolín, ca vez tas peor. A mí, nestes condiciones, nun me saques de casa.
  • - Ye que quieru que, mientres parlo y distraigo a la paisana, metas esta revistuca nel tu bolsu
  • - Nunmejodas Lolo. A ver si l´armamos y móntase ladedios. L´edificiu del Cuartel ta llá riba
  • - Calla, disimula y tate atenta. Cuandu te pise el pié, zas, arramples co nella

Llega la paisana a la mesa con les manos dentro les faltriqueras del mandilón, co nunes ganes de trabayar desumadre

  • - Dígame, señor
  • - Na, ya sé que nun son hores, pero, ....¿tendrá a manu algo pa danos de comer?

Lolo, por si la conversación nun se estendía nel tiempu, yai había estrapallao el callu del pie derechu de la suo mujer


  • - Aaayyyyy,....ayyyyyy
  • - Ostia, si que teneis síntomas de fame, ...pero estes ya son masbién casi hores de merendar
  • - Bueno, llámelo como quiera. Entós,.. si ye pa merendar, ¿nun tendrán algo casero?,…¿unes onces de chocolate pa comer con un pocu pan?
  • - No que va, fíu, Ya nun se lleva eso del chocolate,. Si quiés Nocilla
  • - No qué ?. Mire, nun somos d´aquí y nun conocemos a nadie
  • - Nocilla
  • - Niputaidea. ¿ Que ye d´equí?
  • - Del Spar
  • - Espar ?...Espar..suéname, pero nun lo situo…de ¿ paonde La Corraina ?
  • - Mira, a esa nun la conozco yo, igual al maríu sí, pero, ella, la verdá, nun me suena
  • - Tamos apré, entos
  • - ¡Apré!
  • - Perfetu señora, si enriba nun i debo na. ¡Diosilopague!

Vamos Parín y disimula que traes una cara espantu de la ostia. Sal como si na, coyones.


  • - Hasta otra, señora
  • - Adios,…y buen viaje
  • - Gracies por tó

Nel to, taba incluía L´Estaferia.

Tras el primer númeru ya se comentó lo que nos paicía. Sigue paiciéndonos lo mismo. L´hechu de publicar cualquier cosa, ya merez un aplausu. Luego, to ye mejorable,..jeje,…incluso, po lo que nos afecta, pol escritor que, siendo de onde L´Agustina, casose y vivió en Caborana, aquel que facía esquí de fondu, carretera riba, carretera baxu, cuando nevaba nel pueblu, pienso que, al respectu, digo, podía rexuvenecese un pocu esa pluma. ¡Ya ta bien!. Coño, aparte, una idea pa los que son de Caborana y tan dientro del Conseju Ditorial: dayos entrá a los reporteros del Caleyeru que tan nel paru, vereis como se renueva´l formatu nun tris


Dicen nel interior que si daquién quier publicar algún escritu que pué remitise a
cmc@aller.es. Póngovoslo, porsi


3 comentarios:

Anónimo dijo...

mandense coses pin, pero nun te les ponen. Paez cotu cerrau. Hay que tener nombre. En la redacion hay dos de Caborana pero ye igual. Son de Caborana de pacotilla....

Anónimo dijo...

Al respectu:

Como vién la dirección de correo, púsela, como un datu mas

Lo del cotu, imagínomelo, y ye facil deducilo de la estructura que la amagüesta.

Pero, que vamos facer, al final lo de siempre:

" menos mal
que nos queda Portugal "

Anónimo dijo...

Aquí el único que no tiene coto, parece ser es el retorcido de Canguro.
¡A donde llegamos¡